1.Աշնան օրերն են հասել,
Իջել է ամպը սարին,
Եւ հրաժեշտ է ասել,
Կռունկը մեր աշխարհին:
Բարդին էլ չի սոսափում
Արագիլի թեւի տակ,
Դեղին թերթեր է թափում
Առվակի մեջ կապուտակ:
Կարմիր խարույկ է կարծես
Ծեր տանձենին անտառի,
Թվում է, թե մոտ վազես,
Ձեռք ու ոտքդ կվառի…
Քամին շատ էր թափառել,
Պարապ-սարապ թեւը կախ,
Բայց արդեն գործ է ճարել,
Տեսեք ինչքան է ուրախ:
2.Սևուկ ամպեր վար եկան,
օրան օրան
սարի վրա շար եկան:
Ծագեց առավոտ
պաղեց սառավ օդ
Տեղաց անձրև մաղ տալով
մարմանդ, մարմանդ
հոգնած տերև շաղ տալով:
Երկիր քուն դրավ
և թռչուն թռավ: